Chámanos: 986 588 688
crebanoces cilíndrico
€22,00 IVA incluido
En Stock
Crebanoces de parafuso cilíndrico en madeira natural de freixo e bidueiro. Altura 10,5 cm, Ø 5,7 cm. Acabado en aceite de calidade alimentaria.
Reutiliza o envase de aluminio de fabricación nacional e certificado para estar en contacto con alimentos no que vai o crebanoces para gardar froitos secos, pastas de té, chocolates, infusións….
Envíos gratuitos en Península e Baleares. Por favor, contacta con nós para envíos a outros destinos. O tempo normal de envío é de 24-48 horas dende que o teu pedido estea preparado.
Utilizamos a viruta de madeira do torneado para protexer os produtos dentro da caixa. Non a tires! A viruta de madeira é perfecta para colocala sobre as túas macetas e conservar mellor a humidade.
Descripción
O CREBANOCES DA TATE
A historia de como desde unha pequena aldea de menos de 500 habitantes dun recuncho de Galicia, un obxecto de só 12 cm de alto e apenas 6 cm de diámetro chegou a unha das tendas que marcan tendencia no mundo , é unha mestura de talento e azar.
Esta peza de freixo e bidueiro que tanta alegría nos deu xurdiu máis como unha necesidade práctica que como un exercicio de deseño. Sempre nos gustaron os froitos secos, pero non os aparellos que había no mercado para rompelos. Cal é a solución lóxica para unha torneira?: facersemo seu propio crebanoces. A diferenciación sempre foi un selo distintivo do noso obradoiro. Para iso tivemos que comezar por “darlle unha volta” (nunca mellor dito, no noso caso). Optamos por un deseño redondeado para que fose máis sinxelo suxeitar o crebanoces na man. Para que tivese un tacto suave, rematamos a peza con aceite que, á súa vez, axuda a manter o parafuso en perfecto estado.
A historia de como chegou a Londres é un pouco máis complexa: en setembro de 2017 os nosos pratos de madeira e os crebanoces viaxaron ao London Design Festival da man da marca Artesanía de Galicia xunto con pezas doutros artesáns galegos. Froito da participación nesta feira, no outono chegou un pedido destas pezas dunha tenda de Londres: Momosan Shop.
En marzo de 2018, a Fundación Artesanía de Galicia comentounos que os nosos crebanoces estaban á venda na Tate Edit!, a tenda da Tate Modern Gallery de Londres que ten acceso propio dende a rúa.
Non o podíamos crer! Como foi iso posible? Quen o levou alí? A resposta foi sinxela: os responsables da Tate Edit pediron a diferentes tendas de referencia de Londres que elixisen, entre os artigos que tiñan á venda nas súas tendas, aqueles que considerasen representativos do deseño contemporáneo. E Momosan Shop escolleu o noso crebanoces.
Información adicional
| Peso | 150 g |
|---|---|
| Dimensións | 5,7 × 5,7 × 10,5 cm |
Instrucións de conservación
CREBANOCES
1.- Non lave este crebanoces con auga.
2.-Limpar os restos das cascas cun pincel.
3.-Pasar puntualmente un pano humedecido pola rosca
4.- Manter o crebanoces lonxe de calquera forma de calor.
Este produto está cuberto cun aceite ECO 0% VOC con certificacións: LCA, B-EPD, Eurofins Indoor Air Comfort Gold e Food Contac Compliance, apto para uso alimentario
Produto(s) relacionado(s)
Espátula “ESTRELA” 16 cm
€4,75 IVA incluido
Espátula “MINI” 12 cm
€4,75 IVA incluido
