NOSOTRAS
TRADICIÓN FAMILIAR
Atalanta Madera somos Isabel e Ana Neira, dúas irmás herdeiras dunha longa tradición familiar no torneado artesanal da madeira na parroquia de Berres na Estrada (Pontevedra). Crecemos escoitando historias sobre tornos, madeira, pezas … e o oficio prendeu en nós. Entre os dúas facemos todo o que podes ver nestas páxinas: o deseño, o torneado, o acabado de cada obxecto, idear os distintos tipos de envoltórios e incluso parte das fotos.
INNOVANDO DENDE A TRADICIÓN
Partimos da base da nosa tradición familiar no uso do torno en diferentes tipos de pezas e, facendo unha lectura actual e comprometida coa sostibilidade do medio ambiente, chegamos a pezas das que se pode gozar en calquera parte do mundo: o mesmo serven para degustar un prato típico da nosa gastronomía que para un da cociña xaponesa ou un brunch en New York. Liñas sinxelas para pezas atemporais.
TRABALLO ARTESANAL DE COMEZO A FIN
Nestes tempos de superespecialización en moitas profesións, recuperamos o espírito renacentista do artesán que xestiona todo o proceso de produción: supervisamos a madeira que empregamos, escollendo as de proximidade e de cortas controlados, preparamos os bosquexos das pezas e afinamos a realización das mesmas, seleccionando os acabados ideais para cada uso (sempre tratando de que sexan o máis naturais posibles) e aproveitamos para o embalaxe elementos que ata o de agora se tiraban, como as labras.
SEN LÍMITES
Encántanos os retos, doutro xeito non estariamos aquí. Manter e actualizar un oficio artesanal tradicional xa é un reto en si mesmo, pero imos máis alá. Emprendemos proxectos de colaboración con outros artesáns, elaboramos pezas especiais baixo pedido e sempre estamos a pensar en novos deseños para dar vida ao máis natural e sostible dos materiais que a natureza nos ofrece.
Dende un obradoiro rural a calquera parte do mundo.
Unha visión integral do produto para unha sociedade global
QUERES SABER MÁIS?
A NOSA HISTORIA
A torneiría leva máis de 200 anos vencellada á nosa familia. Contámosche un pouco sobre a historia familiar á que debemos ser o que somos hoxe
A TORNEIRÍA DE MADEIRA EN BERRES
A nosa pequena aldea é o berce dunha longa saga de artesáns torneiros vencellados á industria do moble durante séculos.
SOSTIBLE E RESPONSABLE
Temos a grande sorte de traballar rodeadas dun entorno natural único. Coidalo e axudar aos demais a coidalo é unha responsabilidade ineludible para nós
NA MESA DOS MELLORES CHEFS
Para nós é unha honra que algúns dos grandes cociñeiros galegos e doutras zonas elixiran os nosos produtos para presentar as súas creacións culinarias.
